Rolau ymchwiliadol
Mae'n timau ymchwiliadau yn gweithio o fewn ein swyddogaeth Gweithrediadau. Mae gweithrediadau yn cwmpasu tri phrif faes o waith ymchwiliadol:
- Ymchwiliadau rhanbarthol - mae'r timau hyn wedi'u lleoli ledled Cymru a Lloegr ac maen nhw'n gyfrifol am arwain ein hymchwiliadau cadarn, annibynnol o ansawdd uchel.
- Cyfarwyddiaeth Ymchwiliadau Mawr - mae'r tîm yn ymdrin ag ymchwiliadau graddfa fawr, dwys o ran adnoddau, sy'n gyffredinol gymhleth ac o broffil uchel.
- Ymchwiliad Hillsborough - wedi leoli yn Warrington, mae'r tîm hwn yn gyfrifol am ein hymchwiliad annibynnol i weithredoedd yr heddlu yn dilyn trychineb Hillsborough.
Rolau ymchwiliadol
Fel ymchwiliwr dan hyfforddiant, byddwch yn canolbwyntio ar ddatblygu'r sgiliau a'r wybodaeth sydd eu hangen arnoch i ddod yn ymchwiliwr cwbl achrededig. Os oes gennych sgiliau dadansoddol da, llygad am fanylder a'r gallu i weithio gyda phobl o amrywiaeth o gefndiroedd, gallwch fod yn cymryd rhan yn ein hymchwiliadau proffil uchel, cymhleth.
Mae bod yn ein tîm ymchwiliadau yn rôl na allwch baratoi'n llawn amdani byth, ond bydd ein rhaglen ymchwiliwr dan hyfforddiant 12-24 mis yn sicrhau bod gennych y sgiliau sydd eu hangen arnoch i ddatgelu'r ffeithiau ac ysbrydoli hyder yn eich gwaith. Fel aelod o un o'n timau, byddwch yn cymryd rhan mewn cyfweliadau, yn casglu ac yn dadansoddi tystiolaeth, yn mynychu trengholiadau, ac yn paratoi deunyddiau ar gyfer achosion llys neu gwest. Mewn gwirionedd, byddwch yn chwarae rôl fawr yn ein helpu ni i gyflawni ymchwiliadau o ansawdd uchel sy'n ateb anghenion amrywiol achwynwyr a theuluoedd.
Weithiau, mae'n gallu bod yn anodd ac yn emosiynol heriol. Bydd llawer o'n hymchwiliadau yn llygad y cyhoedd a gall yr achos ddod o dan graffu dwys gan gyfryngau. Gallai fod rhaid i chi fynychu trengholiadau a delio â phobl sy'n rhwystredig a dig.
Er y bydd ein hyfforddiant a'n cymorth yn eich helpu i ddelio â sefyllfaoedd gwahanol, bydd eich cymeriad yr un mor bwysig. Dylai fod gennych y gallu i empatheiddio a chyfathrebu'n gydymdeimladol â phobl ym mhob amgylchiad, yn ogystal â'r gwytnwch i addasu i sefyllfaoedd gwahanol.
Bydd angen meddwl dadansoddol arnoch, y cymhelliant i ddarganfod yr atebion cywir a'r gwytnwch i ymdrin ag ymchwiliadau yn ddiplomataidd ac yn wrthrychol.
Gwrandewch ar Zara a Calum, ein hymchwilwyr dan hyfforddiant:
Gan weithio'n agos gyda theuluoedd mewn profedigaeth, achwynwyr a'r heddlu i sefydlu'r ffeithiau, byddwch yn rhan o'r tîm sy'n cynnal neu'n cynorthwyo amrediad o ymchwiliadau. Bydd hyn yn cynnwys casglu tystiolaeth, cyfweld tystion ac achwynwyr, cymryd datganiadau a pharatoi ffeiliau ar gyfer achosion gwahanol.
Bydd angen i chi weithredu'n deg ac yn drwyadl ym mhob ymchwiliad, gan roi sicrwydd i achwynwyr neu berthnasau mewn profedigaeth am eich didueddrwydd ac annibyniaeth o'r heddlu. Gydag ymagwedd ddadansoddol gref a llygad craff am fanylion wrth gasglu tystiolaeth, bydd gennych y cymeriad i weithio gyda phobl o amrywiaeth o gefndiroedd. Mae hyn yn golygu y dylech fod yn gyfwelydd hyderus, â'r gallu i addasu eich arddull cyfathrebu i gyflawni'r canlyniadau gorau.
Mae bod yn ymchwiliwr yn gallu bod yn rôl drom iawn, gan fynychu trengholiadau a siarad â theuluoedd sy'n galaru o dan y straen mwyaf. Felly bydd angen i chi fod yn wydn a chanolbwyntio ar gyflawni canlyniad teg i bawb sy'n troi atom am gymorth.
Byddwch yn cymryd rhan mewn ymchwiliadau hollol unigryw, felly mae hon yn rôl na allwch fod yn hollol barod amdani byth. Dyna pam y byddwn yn sicrhau y byddwch yn cael hyfforddiant a datblygiad parhaus i gadw'ch sgiliau yn loyw. Gyda'r cymeriad i rannu'ch mewnwelediadau a gwybodaeth â chydweithwyr, byddwch yn mwynhau'r cwmpas i ddylanwadu ar ymchwiliadau ac yn y pen draw, cyfiawnder cymdeithasol. Byddwch yn rhan o dîm amrywiol sy'n cynrychioli'r amrediad o bobl sy'n dibynnu arnom am gymorth annibynnol. Yn achlysurol, bydd angen i chi hefyd weithio oriau anghymdeithasol ac estynedig fel aelod o'n cyfleuster 24 awr ar alwad.
Os oes gennych rywfaint o brofiad ymchwiliol, neu gefndir mewn ymchwiliad, rôl reoleiddiol, gorfodaeth neu debyg, dyma gyfle ardderchog i ddatblygu'ch sgiliau ymhellach, gan weithio ar amrywiaeth o ymchwiliadau proffil uchel.
Fel prif ymchwilydd, byddwch yn cymryd rhan ym mhob agwedd o ymchwiliadau i droseddu a chamymddygiad honedig, o sefydlu'r cylch gorchwyl gwreiddiol, i gasglu tystiolaeth, cyfweld tystion, dod i gasgliadau, ac ysgrifennu adroddiad terfynol, llawer ohonynt yn cael eu cyhoeddi.
Yn ogystal ag ymweld â mannau digwyddiadau i sicrhau bod pob tystiolaeth yn cael ei diogelu a'i hadfer, disgwylir i chi hefyd fynychu trengholiadau a briffio patholegwyr. Mae hyn yn golygu y bydd angen i chi fod yn wydn a chanolbwyntio ar ddarganfod y ffeithiau. Bydd eich ymchwiliadau yn aml o dan lygaid y cyhoedd, a chi fydd y prif bwynt cyswllt i achwynwyr, teuluoedd mewn profedigaeth a phartïon eraill â diddordeb. Felly, bydd angen i chi fod yn gyfathrebwr hyderus a chyfeillgar, â'r gallu i bwyllo a chanolbwyntio o dan bwysau.
I sicrhau eich bod yn barod am heriau unigryw ein gwaith, byddwn yn rhoi hyfforddiant a chymorth parhaus i chi. Mae bod yn brif ymchwiliwr yn rôl gymhleth a boddhaus yn y pen draw, gan gynnig y cyfle i chi weithio gyda phob sector o'r gymuned a chael effaith gadarnhaol ar eu bywydau. Bydd eich dealltwriaeth o gymunedau gwahanol a'ch gallu i ddangos empathi ac uniaethu â nhw yn hanfodol.
Bydd angen sgiliau dadansoddol cryf mewn rôl lle byddwch yn arwain ymchwiliadau. Gallai hyn fod wedi cael ei fagu mewn meysydd fel gwasanaethau cymdeithasol, safonau masnach, cyrff rheoleiddiol, risg, archwilio, profiannaeth, neu orfodaeth.Yn achlysurol, bydd angen i chi hefyd weithio oriau anghymdeithasol ac estynedig fel aelod o'n cyfleuster 24 awr ar alwad.
Gwrandewch ar Rachael, prif ymchwiliwr.
Byddwch yn arwain ac yn datblygu tîm o ymchwilwyr a phrif ymchwilwyr gan sicrhau eu bod yn cyflawni perfformiad uchel ac yn cynnal ymchwiliadau yn deg, yn drwyadl ac yn annibynnol. Ar yr un pryd, byddwch chi wrth galon ein sefydliad yn ystod cyfnod o newid parhaol, gan wneud cyfraniad sylweddol at ein cyfeiriad strategol.
Mae hon yn rôl reoli amrywiol a heriol, gan y byddwch yn canolbwyntio ar wella perfformiad eich tîm, gan sicrhau bod ymchwiliadau yn cael eu cynnal yn unol â'n safonau a chanllawiau. Fel cynghorwr a hyfforddwr, byddwch yn herio'r broses ymchwiliol ac yn sicrhau bod eich tîm yn tynnu ar arbenigedd a chyngor timau perthnasol i gynorthwyo'u hymchwiliadau.
Fel aelod o'r tîm rheoli gweithrediadol, byddwch yn helpu i adeiladu ein capasiti ymchwiliol trwy ddatblygu sgiliau ymchwiliol ac adnabod meysydd i'w gwella mewn ymarfer ymchwiliol.
O dro i dro byddwch hefyd yn arwain ymchwiliadau eich hun, fel arfer i achosion sy'n neilltuol o gymhleth. Bydd hyn yn cynnwys cysylltu ag amrediad eang o bobl, fel teuluoedd mewn profedigaeth, swyddogion heddlu a chymunedau lleol. Fel rhan o'n rota 24 awr ar alwad, bydd angen i chi fod yn barod i ymateb i ddigwyddiadau difrifol ar unrhyw adeg.
Os oes gennych y ddealltwriaeth strategol, gwytnwch, a gallu ymchwiliol i arwain ein timau mewn cyfres o ymchwiliadau proffil uchel, dyma gyfle neilltuol i ddatblygu eich gyrfa reoli a dylanwadu ar newid cymdeithasol. Bydd angen profiad blaenorol arnoch mewn arweinyddiaeth tîm a chynnal ymchwiliadau mewn meysydd fel gwasanaethau cymdeithasol, safonau masnach, cyrff rheoleiddiol, risg, archwilio, profiannaeth, neu orfodaeth.
Gwrandewch ar Susan, arweinydd tîm gweithrediadau:
Byddwch yn arwain ac yn datblygu tîm o ymchwilwyr a phrif ymchwilwyr gan sicrhau eu bod yn cyflawni perfformiad uchel ac yn cynnal ymchwiliadau yn deg, yn drwyadl ac yn annibynnol.
Yn y rôl strategol hon, byddwch nid yn unig yn sicrhau bod ein hymchwiliadau'n cael eu cynnal yn deg ac yn annibynnol i'r ansawdd uchaf, ond byddwch hefyd yn ysgogi perfformiad, cynhyrchiant, ansawdd a chysondeb trwy arweinyddiaeth leol. Byddwch yn rheoli perthnasoedd â phobl sy'n cymryd rhan mewn ymchwiliadau – fel teuluoedd mewn profedigaeth, heddluoedd, cymunedau a chrwneriaid, a chydweithwyr ar draws ein sefydliad ein hunain. Fel aelod o'n tîm rheoli cenedlaethol, byddwch hefyd yn cyfrannu at gyfeiriad strategol SAYH wrth i ni barhau i esblygu i ateb y galwadau cynyddol ar ein hadnoddau. Fel rhan o'n rota genedlaethol 24 awr ar alwad, bydd angen i chi fod yn barod i ymateb i ddigwyddiadau difrifol ar unrhyw adeg.
Bydd angen i chi fod yn feddyliwr strategol ac yn arweinydd perswadiol a dylanwadol, â hanes o arwain a gwella cyflawni gweithrediadol. Bydd eich profiad o reoli timau sy'n cyflawni ymchwiliadau neu benderfyniadau apeliadau yn hollbwysig.
Os ydych wedi arfer ag arwain ymchwiliadau mawr mewn unrhyw sector,, dyma gyfle i brofi eich sgiliau dadansoddol ac arweinyddiaeth tra'n helpu i gynyddu hyder yn system gwynion yr heddlu. Gallai hyn fod wedi cael ei fagu mewn meysydd fel gwasanaethau cymdeithasol, safonau masnach, cyrff rheoleiddiol, risg, archwilio, profiannaeth, neu orfodaeth. Yn bwysicaf oll, byddwch wedi ymrwymo i aros yn annibynnol ac yn ddiduedd ac yn gweithredu â chywirdeb, gonestrwydd a chyfiawnder.
Gwrandewch ar Rashpal, rheolwr gweithrediadau:
When working within any of the above roles, you will have regular exposure to distressing material which will likely be impactful, traumatic and challenging. Given the nature of the work, you will have contact with individuals who are experiencing extreme distress. We recognise this and we offer all of our staff a range of wellbeing provisions, including TRiM (Trauma Risk Management) peer-to-peer support, a dedicated Wellbeing Advisor, and access to free confidential counselling. All of our staff are strongly encouraged to proactively access and engage with the support available.
Hyfforddiant a datblygiad
Mae Rhaglen Datblygu Ymchwiliwr SAYH yn cynnwys cyrsiau naill ai 9 neu 12 wythnos. Mae gennym ddwy fersiwn: Hyfforddai a Mynediad Uniongyrchol (ar gyfer ymchwilwyr a phrif ymchwilwyr). Mae pob rhaglen hyfforddiant wedi'i chynllunio i adlewyrchu'r model dysgu 70:20:10 yn fras, â 70% o wybodaeth yn dod o brofiadau perthynol i swydd, 20% o weithio gydag eraill, 10% o ddysgu ffurfiol. Mae hyn yn pwysleisio pwysigrwydd profiad ymarferol a dysgu cymdeithasol i gadarnhau cyfnodau o ddysgu ffurfiol. Mae rhaglenni dysgu ffurfiol yn ychwanegol at asesu ac achredu gweithle.
Mae rhaglenni hyfforddiant craidd yn cwmpasu agweddau allweddol o'r rôl, gan gynnwys pwerau ymchwiliwr SAYH, sgiliau cyfweld, rheoli lle, gweithdrefnau ar ôl digwyddiad, egwyddorion datgelu ac ysgrifennu adroddiadau. Mae prif ymchwilwyr yn derbyn hyfforddiant ychwanegol sy'n cwmpasu pob agwedd o arwain ymchwiliad gan gynnwys strategaeth, gwneud penderfyniadau ac ysgrifennu polisi. Gall eich hyfforddiant gynnwys aros i ffwrdd o gartref am gyfnod.
Mae ymchwilwyr ac ymchwilwyr dan hyffrorddiant wedi'u cofrestru ar Dystysgrif Broffesiynol Lefel 5 BTEC ac mae disgwyl iddynt gwblhau o fewn 18 mis.
Mae prif ymchwilwyr wedi'u cofrestru ar Ddiploma Broffesiynol Lefel 5 BTEC mewn Arwain Ymchwiliadau ac mae disgwyl iddynt gwblhau o fewn 24 mis.
I gyflawni achrediad, mae'n ofynnol i ymchwilwyr arddangos eu gwybodaeth a chymhwyster ymarferol, trwy bortffolio tystiolaeth seiliedig ar waith.
Tystysgrif Broffesiynol Lefel 5 BTEC mewn Ymchwiliadau SAYH/Diploma mewn Arwain Ymchwiliadau SAYH
Cafodd y cymwysterau Lefel 5 BTEC eu datblygu ar gyfer SAYH a'u dyfarnu gan Pearson, Corff Dyfarnu mwyaf y DU. Mae'n ofyniad gorfodol i bob ymchwiliwr gweithrediadol i gyflawni achrediad, sy'n darparu'r cyfle i:
- ddatblygu a chymhwyso gwybodaeth am ddeddfwriaeth a gweithdrefnau allweddol sy'n llywodraethu system gamymddwyn yr heddlu a bod ymchwiliad o gamweddau troseddol
- yn arddangos sgiliau ymchwiliol craidd
- datblygu gwybodaeth o'r prosesau ac egwyddorion ymchwiliol a ddilynir ynghylch atgyfeiriadau gan yr heddlu ac asiantaethau eraill o dan orchwyl SAYH
- datblygu'r wybodaeth a sgiliau sy'n ofynnol i arwain ymchwiliadau SAYH (Diploma yn unig)
Datblygiad Proffesiynol Parhaus
Mae datblygiad proffesiynol parhaus yn digwydd ar sail genedlaethol a rhanbarthol. Mae hyn yn cynnwys ymweliadau profiad ag unedau heddlu perthnasol, siaradwyr allanol a digwyddiadau hyfforddiant cenedlaethol, a adnabyddir yn flynyddol yn unol â gofynion sefydliadol.
Mae ymchwilwyr hefyd yn gyfrifol am eu datblygiad proffesiynol parhaus eu hunain a chynnal cymhwyster fel y mae'n gymwys i'w rôl. Mae datblygiad personol a phroffesiynol yn cael ei gynorthwyo gan ein proses datblygiad personol o'r enw DRIVE.
